გამყრელიძე: საქართველოში დელტა-შტამის გავრცელება ინტენსიური ხდება

„გიდასტურებთ, რომ ქვეყანაში „ინდური შტამის“  შემთხვევები იზრდება, გასულ დღე-ღამეში აღნიშნული შტამის შვიდი ახალი შემთხვევა გამოვლინდა. სხვადასხვა საპროგნოზო მაჩვენებელზე დაყრდნობით ვფიქრობთ, რომ შესაძლებელია ქვეყანაში დელტა-შტამის ცირკულაცია 10-დან 20%-მდე იყოს“, - განაცხადა გამყრელიძემ.

ბოლო პერიოდში საქართველოში „ინდური შტამის“ შემთხვევები იზრდება - ქვეყანაში ამ დროისათვის 27 შემთხვევაა დაფიქსირებული.