მომღერალმა დათო არჩვაძემ გარდაცვლილი კოლეგის ზურა ბაკურაძის ხსნოვნას პოეტ ნანა ცინცაძესთან ერთად ახალი სიმღერა მიუძღვნა. დათო ამის შესახებ სოციალურ ქსელში წერს.
„ზურა, დღეს მე და ნანა ცინცაძემ ახალი სიმღერა დაგიწერეთ და მოგიძღვენით. სულ რომ ხუმრობით ჰყვებოდი ყველა ინტერვიუში სიმღერა „ღიღილოზე” – ნანამ და დათომ 5 წუთში დამიწერეს სიმღერაო, მუსიკალურ საგზალსაც გატან იმ ქვეყნად და როცა იქნება, ჩვენ იქაც ერთად ვიმღერებთ ძმობილო“, – წერს მომღერალი.
„ქართული ხმების“ სოლისტი ზურაბ ბაკურაძე 23 ივნისს გარდაიცვალა.
უბედური შემთხვევა რაჭაში მოხდა, სადაც მომღერალი დედის დაკრძალვის გამო იყო ჩასული.
ონის მერიის ინფორმაციით, შქმერში გზა ჩავარდა. ზურაბ ბაკურაძე, რომელიც ამ ადგილზე ფეხით გადაადგილდებოდა, ხევჩი ჩავარდა. მძიმე ტრავმების გამო მისი გადარჩენა ვეღარ მოხერხდა.