თბილისი, 15 ივნისი — Sputnik. ერთი ადამიანი დაიღუპა და ორი დაიჭრა ჯორჯიის შტატის (აშშ) სუპერმარკეტ Big Bear-ში მომხდარი ინციდენტისას, რომლის მიზეზიც პირბადის არქონის გამო შენიშვნა გახდა, იუწყება Fox 5.
დეკალბის ოლქის პოლიციის მონაცემებით, მაღაზიის მოლარემ 30 წლის მამაკაცს შენიშვნა მისცა პირბადის გარეშე შესვლის გამო, რასაც კამათი მოჰყვა. ეჭვმიტანილმა ისე დატოვა სუპერმარკეტი, რომ არაფერი უყიდია. თუმცა მალევე დაბრუნდა უკან და მოლარეს ესროლა. ამას მაღაზიის ერთ-ერთი მცველის, პოლიციის შეფის მოადგილის მხრიდან საპასუხო ცეცხლი მოჰყვა, რა დროსაც ორივე მსროლელი — თავდამსხმელიცა და პოლიციელიც დაიჭრა.
სამართალდამცველებმა 30 წლის თავდამსხმელი, ვიქტორ ლი ტაკერი მაშინ დააკავეს, როდესაც ის სუპერმარკეტიდან გასვლას ცდილობდა.
სამივე დაჭრილი სასწრაფოდ გადაიყვანეს საავადმყოფოში, სადაც მოგვიანებით მოლარე გარდაიცვალა. პოლიციელისა და თავდამსხმელის მდგომარეობა ამ დროისათვის სტაბილურად ფასდება.