თბილისი, 14 ივნისი — Sputnik. ახალ ზელანდიაში მოწყობილ აუქციონზე ქოთნის იშვიათი მცენარე რეკორდულ ფასად გაიყიდა, იუწყება ტელეარხი CNN.
გავრცელებული ინფორმაციით, საუბარია რაფიდოფორა ტეტრასპერმაზე, რომელსაც რვა თეთრად და მწვანედ შეფერილი ფოთოლი აქვს და მალე მეცხრეც გაიშლება.
მცენარე აუქციონ TradeMe-ზე 19.297 დოლარად გაიყიდა.
ტელეარხის ცნობით, ბრძოლა „ძალიან იშვიათი რაფიდოფორა ტეტრასპერმასთვის“ კვირა საღამოს დასრულდა. ვაჭრობის პროცესში ფასზე სულ 248 შეთავაზება გაკეთდა.
Trade Me-ს წარმომადგენელ მილი სილვესტრის თქმით, ეს ყველაზე ძვირადღირებული ქოთნის მცენარეა, რომელიც ოდესმე გაყიდულა აუქციონზე.