2010 წლის 22 ივლისს მთელი საქართველო შეძრა და დაამწუხრა მუცოს ხეობაში დატრიალებულმა ტრაგედიამ – ჯიპის ტიპის ავტომობილი, სადაც 10 ადამიანი იჯდა, გზიდან გადავარდა. ავტოკატასტროფამ შვიდი ადამიანის, მათ შორის სამი მცირეწლოვანი ბავშვის სიცოცხლე იმსხვერპლა.
ავტოკატასროფის დროს დაიღუპა პოეტ გელა დაიაურის ცოლ-შვილი – თეონა ქუმსიაშვილი, ორი წლის დემეტრე და ცხრა თვის ჯარჯი. ასევე თეონას და – ნათია, ბერდია და სოფიკო არაბულები ოთხი თვის შვილთან ერთად. საჭეს ბერდია არაბული მართავდა. ავტომობილი მუცოსთან ახლოს, სოფელ ხონეში მდინარეში გადავარდა.
გადაცემის ანონსში „ყვითელი ყუთი” გელა დაიაური ამბობს, რომ შეყვარებულია, მარტოობამ დაღალა, თუმცა თეოს ვერავინ შეუცვლის. „ნეტავ არ გამეცნო საერთოდ, დღეს ხომ საქართველოსთვის იმღერებდა. ბავშვებს ვხედავ ხოლმე გაზრდილებს, ასაკის მიხედვით“, – ამბობს დაიაური.