გომიაშვილი: გზადაგზა სახლებს ვაშენებდი და შემდეგ ცოლებს ვუტოვებდი, ეს ჩემი ჰობია
© Sputnik
„გზადაგზა სახლებს ვაშენებდი და შემდეგ ცოლებს ვუტოვებდი. ჰობი მქონდა ასეთი. სხვათა შორის, არცთუ ისე ბევრი ცოლი მყავდა, როგორც ამბობენ. ვიცი ადამიანები, ვისაც ჩემზე მეტი ცოლი ჰყავდა, მაგრამ რატომღაც ჩემი ჩანს. ოფიციალურად, რაც გულისხმობს ჯვრისწერას, ხელის მოწერას, ოთხი ცოლი მყავდა. დანარჩენებს უბრალოდ სტატუსის გამო ვარქმევდი ცოლის სახელს. მაშინ სხვანაირად არ შეიძლებოდა“, – ამბობს მიშა გომიაშვილი.
ცნობილ მსახიობს ახლა მეცხრე ცოლი ჰყავს. მიშა გომიაშვილი და ქეთი კალანდაძე 11 წლის წინ დაქორწინდნენ. როგორც მსახიობი აღნიშნავს, ამ გადმოსახედიდან ხვდება, რომ მთელი ცხოვრება სწორედ ქეთის ეძებდა და იპოვა კიდეც.