მომღერალი ლოლა წერეთელი საქართველოშია და მერიკო კარტოზიას გადაცემის ანონსში ახალი სიყვარულის შესახებ საუბრობს. მომღერლის თქმით, მისი რჩეული ბიზნესმენია და მან უკვე გააცნო დედა, რომელსაც მარგო ჰქვია.
სარესტორნო მომღერალი ლოლა წერეთელი უკვე რამდენიმე თვეა მოსკოვშია, სადაც ერთ-ერთ რესტორანში მღერის. ჟურნალ „თბილისელებთან“ მომღერალმა აღნიშნა, რომ ამ გადაწყვეტილების მიღება ძალიან გაუჭირდა, შეთავაზება, რომ მოსკოვში დასაქმებულიყო, 2000 წლიდან მოყოლებული ჰქონდა, თუმცა უჭირდა საქართველოს დატოვება.
მომღერალი არ მალავს, რომ საქართველოს დატოვების გადაწყვეტილება პირადი ცხოვრების გამო მიიღო. „ძალიან მძიმედ ვიყავი, თუმცა ესეც გავიარე. მერე გადავწყვიტე, რომ ჯობდა რაღაც დროით საქართველოდან წავსულიყავი, რომ ყველაფერი დამევიწყებინა და ძველებურად ხალისიანი გავმხდარიყავი… აქაურობით ძალიან კმაყოფილი ვარ. არ მეგონა, რომ ყველაფერი ასე კარგად აეწყობოდა, თუმცა მე ჩემს სახლში უნდა დავბრუნდე. მოსკოვში დროებით ჩამოვედი“, – ამბობს ლოლა.
ცნობილი სარესტორნო წყვილის ლოლა და გიორგი წერეთლების ოჯახი ორი წლის წინ დაინგრა. ერთ-ერთ ინტერვიუში ლოლა ამბობდა, რომ გიორგი არის მისთვის ადამიანი, რომელსაც ვერავინ ჩაანაცვლებს.