თბილისი, 26 მაისი – Sputnik. საქართველოს პრეზიდენტმა 26 მაისს საქართველოს დამოუკიდებლობის დღესთან დაკავშირებით 10 თავისუფლებაღკვეთილი და ორი პირობით მსჯავრის მქონე პირი შეიწყალა, ნათქვამია საქართველოს პრეზიდენტის ადმინისტრაციის მიერ გავრცელებულ განცხადებაში.
ადმინისტრაციის ცნობით, საქართველოს პრეზიდენტმა 10 თავისუფლებააღკვეთილი მსჯავრდებულიდან სამი მსჯავრდებული სრულად გათავისუფლდა თავისუფლების აღკვეთის შემდგომი მოხდისგან, ხოლო შვიდ მსჯავრდებულს დარჩენილი მოსახდელი სასჯელის ვადა შეუმცირდა. შეწყალების აქტი შეეხო ასევე ორ პირობით მსჯავრდებულს.
საქართველოს პრეზიდენტმა შეწყალების აქტი დღეს, 2021 წლის 26 მაისს გამოსცა.
პრეზიდენტი საქართველოს სსკ-ის 78-ე მუხლის საფუძველზე ახორციელებს შეწყალებას ინდივიდუალურად განსაზღვრული პირის მიმართ; შეწყალების აქტით მსჯავრდებული შეიძლება გათავისუფლდეს სასჯელის შემდგომი მოხდისგან, ან მისთვის დანიშნული სასჯელი შეიძლება შემცირდეს ან შეიცვალოს უფრო მსუბუქი სასჯელით. ასევე სასჯელმოხდილს შეწყალების აქტით შეიძლება მოეხსნას ნასამართლობა.