თბილისი, 25 მაისი – Sputnik. ოპოზიცია მართავს კონსულტაციებს თბილისის მერობის ერთიანი კანდიდატის საკითხზე, განუცხადა ჟურნალისტებს ოპოზიციური პარტია „ერთიანი ნაციონალური მოძრაობის“ თავმჯდომარემ ნიკა მელიამ.
თბილისისა და სხვა ქალაქების მერების არჩევნები მიმდინარე წლის შემოდგომაზე გაიმართება.
„ვიქნები თუ არა თბილისის მერობის კანდიდატი, ეს დამოკიდებულია კონსულტაციებსა და იმ დისკუსიებზე, რომლებსაც ადგილი აქვს ოპოზიციაში“, – განაცხადა მელიამ.
ამასთან „ნაციონალური მოძრაობის“ ლიდერმა აღნიშნა, რომ მისთვის მნიშვნელოვანია არჩევნების მოგება და მოსახლეობის მხარდაჭერის მოპოვება.
ოპოზიციაში ჯერჯერობით არ არსებობს ერთიანი ხედვა ადგილობრივი ხელისუფლების ორგანოების არჩევნებთან დაკავშირებით. პარტიების ლიდერების ნაწილმა, მათ შორის პარტია „გირჩი - მეტი თავისუფლების“ ლიდერმა ზურაბ ჯაფარიძემ განაცხადა, რომ თბილისის მერის პოსტზე კენჭისყრის შესაძლებლობას განიხილავან.
რაც შეეხება მმართველ პარტიას, მან წინასაარჩევნო კამპანია უკვე დაიწყო. როგორც მისმა ერთ-ერთმა ლიდერმა, პრემიერმა ირაკლი ღარიბაშვილმა განაცხადა, ამ ეტაპზე პარტიის მთავარ ამოცანას მოახლოებულ არჩევნებზე დამაჯერებელი გამარჯვება წარმოადგენს.