მომღერალი ნინი ბადურაშვილი ცნობილ ბაბუას დაბადების დღეს ულოცავს. „ჩვენი იმედი 84 წლის გახდა! შენ რაც გამიკეთე, მე ვერასდროს ვერ გავწვდები, მაგრამ ვეცდები კარგი შვილიშვილი ვიყო. მიყვარხარ უსაზღვროდ“ – წერს ბადურაშვილი სოციალურ ქსელში.
მაყურებელს იმედა კახიანი განსაკუთრებით ფილმიდან „საბუდარელი ჭაბუკი“ ახსოვს. მისი დებიუტი ამ ფილმში შედგა ჯერ კიდევ სტუდენტობის დროს, 1957 წელს, სადაც განასახიერა გოგიტას როლი. ასრულებს ძირითადად სახასიათო როლებს. მისი საშემსრულებლო მანერა გამოირჩევა აქტიორული ოსტატობითა და შინაგანი სიღრმით.
იმედა კახიანი ნინის ასევე ცნობილი დედის ეკა კახიანის მამაა. ოჯახს განსაკუთრებული მეგობრული ურთიერთობა აკავშირებს. ნინი პატარა ქალიშვილთან ერთად სწორედ ბებია-ბაბუასთან ერთად ცხოვრობს მას შემდეგ, რაც პირველ ქმარს, ბიზნესმენ ირაკლი კუტალაძეს დაშორდა.