პოლონეთის ეროვნული მუზეუმის სპეციალისტებმა ვარშავაში პირველი ორსული ქალის მუმია იპოვეს და აღწერეს.
აღმოჩენის უნიკალურობა ისაა, რომ მუმიფიცირებისას ნაყოფი სხეულში დატოვეს. ჩვეულებრივ, ეგვიპტეში მუმიფიკაციის დროს ადამიანებს შინაგან ორგანოებს აცლიდნენ. შესაძლო მიზეზებად განიხილავენ ორსულობის დამალვას და შენიღბვას.
მუმია ეგვიპტიდან ვარშავაში 1826 წელს გადაასვენეს. სარკოფაგზე წარწერა ადასტურებდა, რომ იქ განისვენებდა ქურუმი მამაკაცი. დეტალური კვლევის შემდეგ კი აღმოჩნდა, რომ ეს ახალგაზრდა ქალი იყო.
მუმიის სკანირება ახალი ტომოგრაფით მოხდა, რომელიც სხვადასხვა ფილტრების საშუალებით ყველა შიდა დეტალის აღქმის საშუალებას იძლევა. არსებულ სურათებზე ეგვიპტოლოგებმა დედის ორგანიზმში ნაყოფი აღმოაჩინეს.