თბილისი, 11 მაისი – Sputnik. ესპანეთის დედაქალაქ მადრიდში ძარცვის ფაქტზე საქართველოს მოქალაქე დააკავეს, იუწყება ტელეკომპანია Rustavi 2.
გავრცელებული ინფორმაციით, წარსულში მრავალჯერ ნასამართლევმა შეიარაღებულმა მამაკაცმა მადრიდის ცენტრში მდებარე ერთ-ერთი ცნობილი საიუველირო მაღაზია „ერმიტაჟი“ გაძარცვა, რა დროსაც მაღაზიის დაცვის ორი თანამშრომელი ცეცხლსასროლი იარაღიდან გასროლით დაჭრა.
შემთხვევა იმ დროს მოხდა, როდესაც ესპანეთში რეგიონული არჩევნები მიმდინარეობდა.
ადგილობრივი პოლიციის ცნობით, აპრილის ბოლოს ქალაქ გიხონსა და სევილიაში საქართველოს რვა მოქალაქე დააკავეს, რომლებიც 28 ბინის ძარცვაში არიან ეჭვმიტანილი.