თბილისი, 9 მაისი - Sputnik. თელავის მუნიციპალიტეტში დაკარგული 22 წლის ნიკოლოზ რაზიკაშვილი რამდენიმედღიანი ძებნის შემდეგ გარდაცვლილი იპოვეს, იუწყება ტელეკომპანია „იმედი“.
ნიკოლოზ რაზიკაშვილი 3 მაისის საღამოს სახლიდან გავიდა და გაუჩინარდა. გავრცელებული ინფორმაციით, მისი ცხედარი ქალაქგარეთ, ტყეში აღმოაჩინეს.
საქმეზე გამოძიება სისხლის სამართლის კოდექსის 115-ე მუხლით მიმდინარეობს, რაც თვითმკვლელობამდე მიყვანას გულისხმობს.