თბილისი, 3 მაისი – Sputnik. ყაზანის „რუბინი“, რომლის შემადგენლობაშიც ასპარეზობს საქართველოს ნაკრების ნახევარმცველი ხვიჩა კვარაცხელია, მზადაა ფეხბურთელს არანაკლებ 30 მლნ ევროდ „შეელიოს“, განაცხადა კლუბის დირექტორმა ოლეგ იაროვინსკიმ გამოცემა Eurostavka–თან.
„ჩვენი ფასი კვარაცხელიას სანაცვლოდ 30 მილიონი ევრო გახლავთ", - განაცხადა იაროვინსკიმ.''– განაცხადა აიროვინსკიმ.
ადრე გავრცელებული ინფორმაციით, 20 წლის ფეხბურთელთან დაკავშირებით „რუბინს“კონკრეტული წინადადებით რამდენიმე ევროპულმა ტოპ–კლუბმა უკვე მიმართა.
მიმდინარე სეზონში კვარაცხელიამ „რუბინის“ შემადგენლობაში 23 მატჩი ითამაშა, ოთხი გოლი გაიტანა და რვა საგოლე გადაცემა გააკეთა („გამომუშავებული“ პენალტების ჩათვლით).