იერუსალიმის პატრიარქმა თეოფილოს III-მ ცეცხლი ბერძნული ეკლესიისა და სხვა მართლმადიდებლური კონფესიების წარმომადგენლებს გადასცა.
სიწმინდე 11-მა ქვეყანამ მიიღო: კვიპრისმა, ბულგარეთმა, ბელარუსმა, მოლდოვამ, უკრაინამ, რუმინეთმა, საბერძნეთმა, საქართველომ, პოლონეთმა, ყაზახეთმა და რუსეთმა.
ცეცხლი ლიტანიობას ინთება. პატრიარქი სამჯერ უვლის მაცხოვრის საფლავს, შემდეგ შედის კუვუკლიაში და იწყებს ლოცვას. პანდემიის გამო წელს წმინდა ცეცხლის გარდამოსვლას მხოლოდ ვაქცინირებული მლოცველები ესწრებოდნენ.
მას შემდეგ, რაც წმინდა ცეცხლი საქართველოში ჩამოვიდა, ის საპატრიარქოში მიიტანეს, საიდანაც ქვეყნის სხვადასხვა ეკლესიებში გაავრცელეს.
კუვუკლიიდან წმინდა ცეცხლის გარდამოსვლა გამოხატავს საფლავიდან გადმოსულ „ნათელ ჭეშმარიტს“, რაც ქრისტეს აღდგომას ნიშნავს.