მსახიობ გიორგი ყიფშიძისა და მოდელ კრისტი ყიფშიძის ქალიშვილი ნატალია უკვე 20 წლისაა. გოგონას სხვადასხვა ინტერესი აქვს, სწავლობს, გარდა ამისა, სამოდელო საქმიანობითაც არის დაინტერესებული. მცირე ხნის წინ ის „ბომონდის“ გარეკანისთვისაც გადაიღეს.
ნატალია გარეგნულად დედასაც ჰგავს და მამასაც. ძალიან უყვარს თავის მოვლა და განსხვავებულად ჩაცმა. როგორც მისი „ინსტაგრამის“ პოსტებიდან ირკვევა, ნატალია ამჟამად შეყვარებულია.
მისი რჩეული რეჟისორი გახლავთ – სანდრო ალანია, რომელთან ერთად გადაღებული ფოტოები ახლახან გამოაქვეყნა და დაწერა: „როდესაც გულთან მიმიხუტებ, ეს არის სამყარო, სადაც ვარდები ყვავიან…“
გასულ წელს ნატალია შეყვარებულს, საზოგადოებისთვის ნაკლებად ცნობილ გიორგი მდივანს დაშორდა, რომელიც ციფრული მედიის სპეციალისტია. გოგონამ შეყვარებული ოჯახსაც კი გააცნო, თუმცა, როგორც ჩანს, ურთიერთობა წარსულს ჩაბარდა და ახლა ნატალია ახალ სიყვარულთან ერთად ტკბება ცხოვრებით.