კორონავირუსით ინფიცირებულთა რაოდენობამ გასულ დღე-ღამეში 349.691 შეადგინა, 2,7 ათასზე მეტი ადამიანი კი გარდაიცვალა, რაც, ქვეყნის ჯანდაცვის სამინისტროს მონაცემებით, პანდემიის დაწყებიდან მაქსიმალური მაჩვენებელია.
ინდოეთი მსოფლიოში მეორე ადგილზეა კორონავირუსის გავრცელების თვალსაზრისით. ქვეყნის მასშტაბით ჯამში რეგისტრირებულია ინფიცირების 16,9 მილიონი შემთხვევა. 14 მილიონზე მეტი ადამიანი გამოჯანმრთელდა, დაიღუპა დაახლოებით 192 ათასი. ინფიცირებულთა რაოდენობა კვლავ იზრდება. ამ მომენტისთვის მკურნალობას დაახლოებით 2,68 მილიონი ადამიანი გადის.