თბილისი, 27 აპრილი - Sputnik. თბილისში, სოფელ დიღომში ერთ-ერთი კომპანიის მიერ გაზსადენის დაზიანების გამო 3 ათასამდე აბონენტს გაზმომარაგება ავარიულად შეუწყდა, ნათქვამია კომპანია „თბილისი ენერჯის“ მიერ გავრცელებულ ინფორმაციაში.
კომპანიის ცნობით, გაზსადენის დაზიანების გამო ამ დროისთვის გაზი არ მიეწოდება დიდი დიღმისა და სოფელ დიღმის მიმდებარედ არსებული კერძო დასახლების ნაწილს.
ამჟამად ადგილზე დაზიანებული გაზსადენის აღსადგენად ინტენსიური სამუშაოები მიმდინარეობს. გაზმომარაგების მიწოდება დღის ბოლომდე სრულად აღდგება.