თბილისი, 20 აპრილი – Sputnik. თურქეთიდან საკონტროლო–გამშვები პუნქტი „სარფის“ გავლით საქართველოში შემოსული 45,5 ტონა ხახვი, მასში მავნე ორგანიზმების აღმოჩენის გამო, უკან გააბრუნეს, აღნიშნულია საქართველოს ფინანსთა სამინისტროს შემოსავლების სამსახურის განცხადებაში.
უწყების ინფორმაციით, შემოტანილი პროდუქცია ფიტოსანიტარიული სასაზღვრო კონტროლის ფარგლებში საკარანტინო მავნე ორგანიზმებზე ლაბორატორიულად შეამოწმეს.
„საქონლის მიმართ კონტროლის პროცედურების განხორციელებისას გამოვლინდა, რომ აღნიშნული ტვირთი არ შეესაბამებოდა მცენარეთა სიჯანსაღის მოთხოვნებს. შესაბამისად, ხახვით დატვირთული ორი ავტოსატრანსპორტო საშუალება ექსპორტიორ ქვეყანაში გაბრუნებას დაექვემდებარა“, – ნათქვამია განცხადებაში.