NASA-ს მიერ შექმნილი მინი ვერტმფრენი წარმატებით დაეშვა წითელი პლანეტის ზედაპირზე და პირველი გაფრენისათვის ემზადება. კოსმოსურმა სააგენტომ უნიკალური მოვლენის პირველი ფოტოები გაავრცელა.
ზემსუბუქი საფრენი აპარატი მიმაგრებული იყო მარსმავალზე სახელწოდებით Perseverance, რომელიც მარსზე 18 თებერვალს დაჯდა. 400 მილიონი კილომეტრის შემდეგ ის მოწყდა გადამზიდს და წითელ პლანეტაზე დაეშვა.