თბილისი, 7 აპრილი – Sputnik. სპორტის საერთაშორისო დღესთან დაკავშირებით №11 არასრულწლოვანთა სარეაბილიტაციო დაწესებულებაში ჭადრაკის ტურნირი გაიმართა. ინფორმაციას მსჯავრდებულთა პროფესიული მომზადებისა და გადამზადების ცენტრი ავრცელებს.
ღონისძიებაში, რომელიც ონლაინ–ფორმატში ჩატარდა, 14-მა მსჯავრდებულებმა მიიღო მონაწილეობა.
„აღსანიშნავია, რომ არასრულწლოვანი მსჯავრდებულები დაწესებულებაში ყოფნის დროს ჭადრაკს აქტიურად თამაშობენ და სპორტის ამ სახეობის მიმართ დიდ ინტერესს იჩენენ“, – აღნიშნავენ ცენტრში.
ტურნირი მსჯავრდებულთა პროფესიული მომზადებისა და გადამზადების ცენტრის ინიციატივითა და მაია ჩიბურდანიძის სახელობის „ჭადრაკის დედოფლის აკადემიის“ მხარდაჭერით განხორციელდა. გამარჯვებულებს საჩუქრად ჭადრაკის კომპლექტები გადაეცათ.