თბილისი, 29 მარტი — Sputnik. ჩეხეთის ქალაქ ბრნოს ლაბორატორია Elisabeth Pharmacon-ის თანამშრომლებმა კორონავირუსის აქამდე დაურეგისტრირებელი მუტაცია აღმოაჩინეს, წერს ლაბორატორიის ხელმძღვანელი, ეპიდემიოლოგი ომარ შერი Twitter-ზე.
„საუბარია ე.წ. Spike-პროტეინის მუტაციაზე. ეს სახასიათო პროტეინია, რომელიც ვირუს SARS-CoV-2-ის ზედაპირზე იჩენს თავს. სწორედ მის წინააღმდეგაა გათვლილი ამჟამად არსებული ვაქცინები“, — წერს შერი.
ეპიდემიოლოგის თქმით, კორონავირუსის ახალი მუტაცია ბრიტანულზე სახიფათო არ არის.
ამ დროისათვის მუტაციის შესწავლა გრძელდება, თუმცა ექსპერტები უკვე ირწმუნებიან, რომ არსებული კოვიდ-ვაქცინები ეფექტურია ახალი შტამის წინააღმდეგ.