თბილისი, 12 მარტი – Sputnik. გაზრდილი მგზავრთნაკადების გამო 13 და 14 მარტს თბილისი–ბათუმი–თბილისის მიმართულებით დამატებითი რეისები დაინიშნება, ნათქვამია კომპანია „საქართველოს რკინიგზის“ განცხადებაში.
დამატებითი მატარებლების მოძრაობის გრაფიკი
| საიდან | გასვლის დრო | საით | ჩასვლის დრო |
| თბილისი | 07:25 | ბათუმი | 13:00 |
| ბათუმი | 13:40 | თბილისი | 19:12 |
„საქართველოს რკინიგზამ“ სამგზავრო მატარებლების მოძრაობა 27 თებერვლიდან აღადგინა, როდესაც მოიხსნა 2020 წლის ნოემბერში კორონავირუსით ინფიცირების შემთხვევების მკვეთრი ზრდის გამო საქალაქთაშორისო სამგზავრო გადაზიდვებზე დაწესებული შეზღუდვები.