გამოფენაზე წარმოდგენილია ფოტოები პროექტიდან „სანამ ყინული გალღვება“, რომლებიც გადაიღო Nikon-ის ამბასადორმა და National Geographic-ის ფოტოგრაფმა ვიკტორ ლიაგუშკინმა.
ექსპოზიციის ნახვა თვე-ნახევრის განმავლობაში იქნება შესაძლებელი – გალერეა იმუშავებს ყინულის დნობის დაწყებამდე, რასაც სპეციალისტები აპრილის შუა პერიოდიდან პროგნოზირებენ. გამოფენის ვიზიტორს უნდა ჰქონდეს აკვალანგით ყვინთვის გამოცდილება. ღონისძიების ორგანიზატორია ტურისტული ცენტრი „პოლარული წრე“, რომელიც სოფელ ნილმოგუბაში მდებარეობს.
ფოტოების გარდა სტუმრები იხილავენ სკულპტურებს, ინსტალაციებსა და პეტერბურგელი მხატვრის დენის ლოტარევის შემოქმედებას.