თბილისი, 24 თებერვალი — Sputnik. 25 თებერვლიდან ქვეყნის მასშტაბით საქალაქთაშორისო ტრანსპორტის მოძრაობა აღდგება, განაცხადა საქართველოს პრემიერ-მინისტრმა ირაკლი ღარიბაშვილმა ოთხშაბათს გამართულ ბრიფინგზე.
გადაწყვეტილება უწყებათაშორისი საკოორდინაციო საბჭოს დღევანდელ სხდომაზე იქნა მიღებული.
საქართველოში ტრანსპორტის გადაადგილებაზე შეზრუდვა 2020 წლის 28 ნოემბრიდან ამოქმედდა. ქვეყანაში გაუმჯობესებული ეპიდვითარებიდან გამომდინარე, ხელისუფლებამ 8 თებერვლიდან მუნიციპალური ტრანსპორტის მუშაობის განახლების გადაწყვეტილება მიიღო, რაც შეეხება საქალაქთაშორისო ტრანსპორტს, მასზე აკრძალვა ამ დრომდე მოქმედებს.