თბილისი, 21 თებერვალი — Sputnik. პოლიციამ დააკავა ოპოზიციის რამდენიმე აქტივისტი, რომლებიც პარლამენტის შენობის წინ კარვების დადგმას ცდილობდნენ.
აქცია დამოუკიდებელი საქართველოს პირველი კონსტიტუციის მიღების 100 წლის იუბილეს მიეძღვნა.
კარვების დადგმის მცდელობას აქტივისტებსა და პოლიციას შორის შეტაკებები მოყვა. შსს-ს ინფორმაციით, დაკავებულია ხუთი ადამიანი.
აქტივისტები ამტკიცებენ, რომ პოლიციის თანამშრომლები უკანონოდ მოქმედებენ და კონსტიტუციით გარანტირებულ შეკრებების თავისუფლებას ზღუდავენ.
პარლამენტთან აქცია გრძელდება. პარალელურად საპარლამენტო კომიტეტებში ირაკლი ღარიბაშვილის მიერ წარდგენილი მინისტრობის კანდიდატები სიტყვით გამოდიან.