საწყობში გაჩენილი ხანძრის ჩაქრობაში, სადაც საღებავები და გუდრონი ინახებოდა, 12 სახანძრო ბრიგადა და ამდენივე სპეცტექნიკა იღებდა მონაწილეობას. ცეცხლის გავრცელების საფრთხე შემთხვევის ადგილზე მეხანძრეების ოპერატიულად გამოცხადების წყალობით აღიკვეთა.
ხანძრის ლიკვიდაციას რამდენიმე საათი დასჭირდა. მეხანძრეების მუშაობას ართულებდა ის ფაქტი, რომ საწყობის სათავსოები დაკეტილი იყო და მათი შემტვრევა ხდებოდა საჭირო. გარდა ამისა, საწყობში აალებადი მასალებიც ინახებოდა, რაც სერიოზულ საშიშროებას უქმნიდა მეხანძრეებს და ისინი იძულებული იყვნენე, განსაკუთრებული სიფრთხილე გამოეჩინათ.
ხანძრის ფაქტზე მიმდინარეობს გამოძიება. დგინდება აალების მიზეზო და ხანძრით მიყენებული ზარალის რაოდენობა.