თბილისი, 9 თებერვალი – Sputnik. თბილისში, ფონიჭალის დასახლებაში სპეცოპერაცია მიმდინარეობს, იუწყება ტელეკომპანია Formula.
ტელეკომპანიის ინფორმაციით, სამართალდამცველებმა, სავარაუდოდ, ნარკოდანაშაულისთვის ერთი პირი დააკავეს. დაკავებულია ასევე ეჭვმიტანილის დაც, რომელსაც პოლიციისადმი დაუმორჩილებლობა და წინააღმდეგობის გაწევა ედება ბრალად.
ტერიტორია ყვითელი ლენტითაა შემოსაზღვრული. ადგილზე მობილიზებული არიან ცენტრალური კრიმინალური პოლიციის თანამშრომლები.
პოლიციამ დაკავებულის პირადი და საცხოვრებელი ბინის ჩხრეკისას ნივთმტკიცების სახით უკვე ამოიღო ნარკოტიკული საშუალება, რომლის საერთო რაოდენობა, სავარაუდოდ, 10 გრამია.
მომხდარ ფაქტთან დაკავშირებით შინაგან საქმეთა სამინისტროს განცხადება ჯერჯერობით არ გაუკეთებია.