პროტესტი კოვიდ-შეზღუდვების წინააღმდეგ თბილისში - ფოტო

მეპროტესტეები, რომელთა შორის არიან რესტორატორები, ტურისტული სფეროს და ფიტნეს კლუბებისა და სპორტდარბაზების წარმომადგენლები, ასევე სამოქალაქო სექტორისა და ოპოზიციის მხარდამჭერები, 1 თებერვლამდე ყველა მოქმედი შეზღუდვის მოხსნას მოითხოვენ.

ამ მოთხოვნას არ ეთანხმებიან ხელისუფლება და ეპიდემიოლოგები, რომლებიც აცხადებენ, რომ, მაგალითად, თბილისში ეპიდემიოლოგიური სიტუაცია არ იძლევა ბიზნესის გახსნის საშალებას, ხოლო რესტორნები საშიშია იმით, რომ მათი კლიენტები შესაძლოა ვირუსის მატარებლები აღმოჩნდნენ.

1 თებერვლიდან ქვეყანაში შეზღუდვების მნიშვნელოვანი ნაწილი მოიხსნება, თუმცა თბილისში რამდენიმე მკაცრი შეზღდვა 1 მარტამდე ძალაში რჩება.

1 / 12

თბილისში კვლავ აპროტესტებენ კოვიდ-შეზღუდვებს

2 / 12

ბოლო კვირაში ყველაზე დიდი აქცია მთავრობის ადმინისტრაციის შენობასთან გაიმართა

3 / 12

მასში ასობით ადამიანი მონაწილეობდა

4 / 12

„გახსენით ქვეყანა!“, „მიეცით ბიზნესს მუშაობის საშუალება“, - ასე ჟღერდა მომიტინგეების მთავარი მოთხოვნები

5 / 12

დემონსტრანტებს შეუერთდნენ მიტანის სერვისის თანამშრომლებიც

6 / 12

ზოგიერთმა მეპროტესტემ პლაკატზე უხამსი გამონათქვამიც დაწერა

7 / 12

ამავდროულად დემონსტრანტების დიდ ნაწილს ეკეთა პირბადე

8 / 12

აქციაზე მიიყვანეს ბავშვებიც, რომლებსაც ასევე ეჭირათ ბანერები

9 / 12

აქციაზე იმყოფებოდნენ ტურისტული სეფროს წარმომადგენლები და რესტორატორები

10 / 12

ზოგი კი აქციაზე ოთხფეხა მეგობართან ერთად მივიდა

11 / 12

რამდენიმე დღის წინ მთავრობის ადმინისტრაციასთან ავტომსვლელობით გააპროტესტეს შეზღუდვები, ხოლო შაბათს აქ მიტანის სერვისის თანამშრომლებიც გამოჩნდნენ

12 / 12

მომიტინგეები აქციების გაგრძელებას აპირებენ, ხოლო რესტორნების ნაწილი, მიუხედავად შეზღუდვებისა, 2 თებერვლიდან მუშაობას განაახლებს