თბილისი, 18 იანვარი — Sputnik. პაციენტებს, რომლებიც COVID-19-ით არიან დაავადებული, კიდევ რამდენიმე კვირის განმავლობაში შეიძლება უვლინდებოდეთ დადებითი ტესტები ინფექციაზე, თუმცა ეს სულაც არ ნიშნავს იმას, რომ ისინი გადამდები იქნებიან, განაცხადა მსოფლიო ჯანდაცვის ორგანიზაციის წარმომადგენელმა მელიტა ვუინოვიჩმა.
ექსპერტის თქმით, იმისათვის, რომ ადამიანი გადამდები იყოს, მას „ცოცხალი ვირუსის“ გადაცემა უნდა შეეძლოს. მაგრამ, როგორც ბოლოდროინდელი კვლევები აჩვენებს, სიმპტომების გამოვლენიდან 8–9 დღის შემდეგ პაციენტთა უმეტესობას გადამდებობა ძლიერ უქვეითდება.
„თუმცა ეს პერიოდი შეიძლება უფრო ხანგრძლივი იყოს იმ პაციენტების შემთხვევაში, რომლებიც რთული ფორმით არიან დაავადებული“, — აზუსტებს ვუინოვიჩი.
როგორც მანამდე ბრიტანეთის ფრენსის კრიკის ინსტიტუტის მეცნიერებმა დაადგინეს, კორონავირუსი უფრო გადამდები გახდა იქიდან გამომდინარე, რომ SARS-CoV-2-ის ცილოვანი საცეცები ათობით სხვადასხვა სახეობად ტრანსფორმირდება ორგანიზმში იოლად შესაღწევად. სწავლულთა ჯგუფმა ლაბორატორიული კვლევის საფუძველზე დაადგინა, რომ ვირუსის საცეცები იცვლება და კიდევ უფრო წებოვანი ხდება.