თბილისი, 2 იანვარი – Sputnik. 6 იანვრამდე საქართველოში უნალექო ამინდი შენარჩუნდება, იუწყება გარემოს ეროვნული სააგენტო.
დასავლეთ საქართველოს დაბლობში ღამით ჰაერის ტემპერატურა +16, +21 გრადუსამდე მოიმატებს, ხოლო აღმოსავლეთ საქართველოს ბარში +8, +13 გრადუსის ფარგლებშია მოსალოდნელი.
- ამასთან სააგენტოს ცნობით, 4-5 იანვარს შავი ზღვის სანაპირო რაიონებში მოსალოდნელია აღმოსავლეთის მიმართულების ძლიერი ქარი, რომლის სიჩქარემაც შესაძლოა წამში 30 მეტრს მიაღწიოს. სპეციალისტები საფრთხის დონეს საშუალოდ აფასებენ.
გარემოს სააგენტოს ინფორმაციით, ძლიერი ქარი დაფიქსირდება კოლხეთის დაბლობზე, ზემო იმერეთსა და გორი-სურამის მონაკვეთზეც.