მოდელი და ტელეწამყვანი სალომე ღვინიაშვილი სოციალური ქსელის აქტიური მომხმარებელია და საკუთარ „ფოლოვერებს“ დახვეწილი და მოდური ფოტოებით ხშირად ანებივრებს. ერთ-ერთ ბოლოს გამოქვეყნებულ ფოტოზე ფანებმა სალომე სილამაზით მონიკა ბელუჩის შეადარეს.
„მე რომ მკითხონ საქართველოში სექსუალურ და ლამაზ ქალზე, ზუსტად ვიცი, რომ სალომეს დავასახელებ“, „ქართველი მონიკა“, „უტიფრად ლამაზი ხარ“, – სწერენ სალომეს.
სალომე ღვინიაშვილი პირველად 17 წლის ასაკში დაოჯახდა, როდესაც მას ფაქტობრივად არავინ იცნობდა. მისი კარიერა სარეკლამო რგოლების გადაღებით დაიწყო და დღემდე აქტიურად ვითარდება. აღსანიშნავია, რომ მოდელმა პირველი ოჯახის დანგრევის შემდეგ ფარ-ხმალი არ დაყარა, სამოდელო კარიერითა და დიზაინერობით დაინტერესდა.
მოგვიანებით ზურა ხიზანიშვილი გაიცნო და ყველაფერი თავბრუდამხვევ ზღაპარს დაემსგავსა. მათ ორი საერთო ქალიშვილი ჰყავთ – ტასო და ნიტა. ძმასთან დათუნა აბულაძესთან შედარებით, გოგონები ტელეეკრანებზე უფრო ხშირად ჩნდებიან.
სალომე სრულიად პატარა უეცრად გამოჩნდა ეკრანზე და დიდი ინტერესი დაიმსახურა. ხუჭუჭა თმამ, გრძელმა ფეხებმა, მოხდენილმა სიარულმა და კაშკაშა თვალებმა უამრავი ადამიანის ყურადღება მიიპყრო ერთ-ერთი სარეკლამო რგოლიდან.
სალომე სამოდელო სფეროს და პოდიუმს დაემშვიდობა, მაგრამ მოდის სამყაროს – არა. მიუხედავად იმისა, რომ პოდიუმზე აღარ დგას, ის ახლა წამყვანი დიზაინერია და საკუთარი ბრენდი SALOMÈ შექმნა. ბრენდი ახალი დაარსებულია, მაგრამ ქართველ მოდის მოყვარულებს შორის უკვე დიდი პოპულარობით სარგებლობს. პოპულარული ტელეწამყვანი საკმაოდ ნიჭიერი დიზაინერი აღმოჩნდა. მისი სამოსი მოდურ ქალბატონებს მეტ თავდაჯერებულობას მატებს.