მას შემდეგ, რაც კვირას მსოფლიოს ბევრმა ქვეყანამ დიდ ბრიტანეთთან სატრანსპორტო მიმოსვლა შეწყვიტა, ლონდონის რკინიგზის სადგურს ქალაქის დასატოვებლად ხალხის დიდი ნაკადი მიაწყდა. ბლოკადა დაკავშირებულია ინგლისის სამხრეთ-დასავლეთში კორონავირუსის მუტირებული შტამის სწრაფი ტემპით გავრცელებასთან.
დიდ ბრიტანეთთან ავია- და სარკინიგზო მიმოსვლა შეწყვიტეს ნიდერლანდებმა, ბელგიამ, საფრანგეთმა, ფინეთმა, ჩეხეთმა, შვეიცარიამ, კანადამ, არგენტინამ, კოლუმბიამ და სხვა ქვეყნებმა. დოვერის პორტმა ევროპაში სამგზავრო და სატვირთო ბორნების გაშვება შეწყვიტა.