გორში 21 დეკემბერს იოსებ სტალინის დაბადების დღე აღნიშნეს - ფოტო

ყოველი წლის 21 დეკემბერს გორში ტრადიციულად იკრიბებიან სტალინის თაყვანისმცემლები მისი დაბადების დღის აღსანიშნავად.

პანდემიის ფონზე დაწესებული შეზღუდვების გამო საზეიმო ღონისძიებები მოკრძალებულად გაიმართა - იოსებ ჯუღაშვილის სახლ-მუზეუმთან რამდენიმე ადამიანი მივიდა.

ბელადის თაყვანისმცემლებმა წელს სახლ-მუზეუმიდან ცენტრალურ მოედნამდე, სადაც ადრე სტალინის ძეგლი იდგა, მსვლელობაზეც უარი თქვეს.

1 / 12

იოსებ სტალინის სახლ-მუზეუმი გორში. ბელადის თაყვანისმცემლების შეკრების ტრადიციული ადგილი

2 / 12

21 დეკემბერი - თარიღი, რომელსაც, ტრადიციულად აღნიშნავენ ქართველი სტალინისტები

3 / 12

თუმცა წელს სახლ-მუზეუმთან გაცილებით ნაკლები ადამიანი მივიდა, ვიდრე გასულ წლებში

4 / 12

ამის მიზეზი კორონავირუსის გამო დაწესებული შეზღუდვებია

5 / 12

საზოგადოებრივი ტრანსპორტი არ მუშაობს

6 / 12

ასაკოვანი ადამიანები კი თავს იკავებენ სახლიდან გამოსვლისგან

7 / 12

სახლ-მუზეუმთან მისულები პირბადეებს იყენებდნენ, რომლებზეც, ზოგიერთს ლოზუნგები და საბჭური სიმბოლიკა ჰქონდა დატანილი

8 / 12

ხალხის მცირე რაოდენობის გამო, ტრადიციული მსვლელობა არ გამართულა

9 / 12

მათ ყვავილები მიიტანეს სტალინის პატარა ძეგლთან. ბელადის დიდი ძეგლი გორის ცენტრში მიხეილ სააკაშილის პრეზიდენტობის დროს აიღეს

10 / 12

მიუხედავად მთავრობის დაპირებისა, სტალინის დიდი ძეგლი მისი სახლ-მუზეუმის ტერიტორიაზე ჯერ კიდევ არ დაუდგამთ

11 / 12

ასე მოკრძალებულად აღინიშნა სტალინის დაბადების დღე

12 / 12

ღონისძიების მონაწილეებმა კიდევ ერთხელ განაცხადეს, რომ ისინი განაგრძობენ ქალაქის ცენტრში სტალინის ძეგლის დადგმას, რომელიც 2010 წელს აიღეს