ნათია ფანჯიკიძე: ყოველი ვირტუალური რეალობა გაქცევაა
© Sputnik
„საერთოდ გამოთქმას -„მავნე ჩვევა“ მე საერთოდ არ ვიყენებ. როგორ შეიძლება, რომ 21-ე საუკუნეში ბავშვს ავუკრძალოთ უახლოეს ტექნოლოგიასთან ურთიერთობა? - ეს იგივეა, ჩვენთვის, რომ სარეცხ მანქანასთან ურთიერთობა აეკრძალა ბებიაჩემს და ეთქვა, რომ მაგას ჩემთვის კაი გაკრახმალებული ტანსაცმელი ჯობიაო!“- ამბობს ნათია ფანჯიკიძე.
ფსიქოლოგი ნათია ფანჯიკიძის აზრით: „ბავშვი უამრავ ინფორმაციას ეცნობა ინტერნეტით. დღეს შეიძლება, რომ მას არ ჰქონდეს იმის მოთმინება, რომ ენციკლოპედია გადმოიღოს და მისთვის საინტერესო ინფორმაცია ტომეულებში ეძებოს. აქ საქმე არის „მავნე ჩვევაზე“ როცა ბავშვი სასიცოცხლო დროის ძალიან ბევრ ნაწილს უთმობს კომპიუტერს, ასეთ შემთხვევაში აუცილებლად უნდა გავითვალისწინოთ ინდივიდუალურად ყველა ბავშვის მდგომარეობა“.