მატილდა გვარლიანი 17 წლის არის და უკვე ხუთ სამოდელო სახლთან თანამშრომლობს. თანამედროვე ქართული მოდის ახალი სახე გამორჩეულია სილამაზით, შარმითა და მომხიბლავი ღიმილით. შეუძლებელია მატილდა გვარლიანის მშვენება ადამიანის ყურადღების მიღმა დარჩეს. ახლა კი ფანების ყურადღება მის მიერ გასაჯაროებულმა ვიდეომ მიიქცია.
მან TikTok-ის საკუთარ გვერდზე ძმასთან დაკავშირებული ვიდეო გამოაქვეყნა. აღნიშნულ ვიდეოს ემოციური წარწერა დაურთო, რომელმაც დიდი გაუგებრობა გამოიწვია. ვიდეოს დასაწყისში მატილდა მოწყენილი სახით ზის და ვიდეოზე შოკისმომგვრელი წარწერა ჩნდება, რასაც მეორე წინადადება მოჰყვება. „ის არ გარდაიცვალა, მას ახლა შეყვარებული ჰყავს“, – დააწერა მატილდამ ვიდეოს.
როგორც ჩანს, ეს გახდა უამრავი გოგონას გულის გატეხვის მიზეზი. ახლა მატილდას უსიმპათიურეს ძმას შეყვარებული ჰყავს და ის თავისუფალი აღარაა. საზოგადოებამ ულამაზესი და-ძმა გამოჩენისთანავე შეიყვარა. მატილდა და დათა გვარლიანმა ინტერნეტ-სივრცე დაიპყრეს.
სოციალური ქსელის მომხმარებლები მატილდა გვარლიანის ოჯახის განხილვას აქტიურად შეუდგნენ. ინტერვიუებიდან ირკვევა, რომ სუპერ-მოდელის ოჯახის წევრები ექიმები არიან, თავად კი სტომატოლოგობა ან ფსიქოლოგობა სურს. აი, მისი სიმპათიური ძმა კი უფრო რთულ და მეტად სარისკო პროფესიას ეუფლება. დავით გვარლიანი მომავალი სამხედროა. ბიჭს აღნაგობა და სხეული ამაში ხელს უწყობს და შეუდარებლად გამოიყურება.