თბილისი, 14 დეკემბერი – Sputnik. საქართველოს პრეზიდენტის განკარგულებით, აჭარის ახლადარჩეული უმაღლესი საბჭოს პირველი სხდომა 15 დეკემბერს შედგება.
შესაბამისი განკარგულება სალომე ზურაბიშვილმა 14 დეკემბერს გამოსცა.
სხდომა 12:00 საათზე გაიხსნება.
აჭარის უმაღლესი საბჭოს არჩევნები საქართველოს საპარლამენტო არჩევნების პარალელურად 31 ოქტომბერს გაიმართა.
კენჭისყრის საბოლოო შედეგების მიხედვით, აჭარის უმაღლეს საბჭოში უმრავლესობა მმართველ პარტია „ქართულ ოცნებას“ ექნება – 14 ადგილი, დანარჩენი შვიდი – „ნაციონალურ მოძრაობას“. სავარაუდოდ, როგორც საქართველოს პარლამენტში, ეს შვიდი სავარძელი ცარიელი იქნება.
ოპოზიცია უკვე წინასწარ ემზადება საპროტესტო აქციებისთვის, რომლებიც უმაღლესი საბჭოს სხდომის პარალელურად გაიმართება.