თბილისი, 5 დეკემბერი – Sputnik. საფეხბურთო კლუბი „გაგრა“ საქართველოს თასის მფლობელი გახდა. ფინალში, რომელიც გორში თენგიზ ბურჯანაძის სახელობის სტადიონზე გაიმართა, გაგა კირკიტაძის შეგირდებმა „სამგურალს“ პენალტების სერიაში მოუგეს (5:3).
„გაგრა“ დავით ყიფიანის სახელობის ჯილდოს მეორედ დაეუფლა.
რაც შეეხება უშუალოდ მატჩს, 120 წუთში ვერცერთმა მხარემ ვერ შექმნა ვერცერთი საგოლე მომენტი, ამიტომ ანგარიში 0:0 კანონზომიერიც იყო.
აღსანიშნავია, რომ საქართველოს თასის ისტორიაში ფინალში ერთმანეთს დაუპირისპირდნენ კლუბები, რომლებიც ეროვნული პირველობის მეორე ლიგაში ასპარეზობენ.
საქართველოს თასის მოგების შემდეგ „გაგრამ“ მონაწილეობის უფლება მოიპოვა კონფერენციების ლიგაში - ახალ ტურნირში უეფას ეგიდით, რომელიც მომდევნო სეზონში პირველად გათამაშდება.