რუსი ფოტოგრაფი საიდ ცარნაევი ჩეჩნეთის მთებში გადაღების დროს დაიღუპა, იუწყება „რია ნოვოსტი“. ბოლო დროს ცარნაევი მედიაჯგუფ „როსია სეგოდნიას“ უშტატო ფოტოგრაფად მუშაობდა.
საიდ ცარნაევი უბედურ შემთხვევას ემხვერპლა რთულად მისადგომ ადგილზე გალანჩოჟის რაიონში. მუშაობას ართულებდა ის ფაქტორიც, რომ ამ რეგიონში მხოლოდ ფეხით გადაადგილებაა შესაძლებელი.
ცარნაევის ფოტორეპორტაჟების ძირითადი თემები იყო ჩეჩნეთის, დაღესტნის, ინგუშეთის და ოსეთის ისტორია და აწმყო.
საიდ ცარნაევი ფლობდა უამრავ ჯილდოს, მათ შორის - „რუსეთის პატრიოტი“, „ოქროს ბუმბული“, „სიტყვა გროზნოს შესახებ“.