„დღეს მე და ჩემმა ანუტამ (ჩვენს საამაყო იუსტიციის სახლში) ხელი მოვაწერეთ და ქართულ–უკრაინული ოჯახი იურიდიულადაც შედგა“ – დაწერა „ნაციონალური მოძრაობის“ ერთ-ერთმა ლიდერმა გია ბარამიძემ „ფეისბუქზე“ და ხელის მოწერის ფოტოებიც გამოაქვეყნა. როგორც ირკვევა, მისი რჩეული უკრაინელი ანა ფილიპჩუკია.
გია ბარამიძის პირველი მეუღლე ეკა ჯაფარიძე იყო, რომელთანაც საერთო შვილი, უფროსი გოგონა ჰყავს. ეკა ჯაფარიძე გია ბარამიძემდე ქორწინებაში იმყოფებოდა მხატვარ ნიკუშა შენგელაიასთან, წყვილს საერთო ქალიშვილი ჰყავს.
როდესაც თბილისის ყოფილი მერი გიგი უგულავა საპატიმროდან გაათავისუფლეს, გავრცელდა ჭორი, რომ ეკა ჯაფარიძე გია ბარამიძესთან დაშორების შემდეგ ცოლად გიგი უგულავას გაჰყვა. მაშინ ამ თემაზე კომენტარის გაკეთება „ევროპული საქართველოს“ პრეს-სამსახურის მაშინდელ უფროსს ხათუნა ბერძენიშვილს მოუწია, რომელმაც აღნიშნა, რომ ეს დეზინფორმაციაა, მით უმეტეს, რომ ეკა ჯაფარიძე უგულავას შვილის ალექსანდრეს ნათლიაა.