თბილისი, 17 ნოემბერი – Sputnik. ქობულეთის მუნიციპალიტეტში დედამ თავისი 15 წლის შვილი საწოლში გარდაცვლილი აღმოაჩინა, იუწყება ადგილობრივი ტელეკომპანია TV25.
გავრცელებული ინფორმაციით, შემთხვევა სოფელ ახალსოფელში მოხდა. მოზარდის გარდაცვალების მიზეზი დგინდება. ადგილზე ექსპერტ–კრიმინალისტები მუშაობენ.
როგორც „Sputnik–საქართველოს“ შსს-ში განუცხადეს, ფაქტზე აღძრულია სისხლის სამართლის საქმე სსკ-ის 116-ე მუხლის მიხედვით, რაც სიცოცხლის გაუფრთხილებლობით მოსპობას გულისხმობს.