თბილისი, 17 ნოემბერი — Sputnik. რომელი საპონი უნდა გამოვიყენოთ კორონავირუსული ინფექციის თავიდან ასაცილებლად და რომელია უფრო ეფექტური, ამ თემაზე ბიოლოგიურ მეცნიერებათა დოქტორმა, მოსკოვის სახელმწიფო უნივერსიტეტის პროფესორმა ალექსეი აგრანოვსკიმ ისაუბრა.
„დაიბანეთ ხელები ჩვეულებრივი საბავშვო საპნით. არ არის აუცილებელი სპეციალური თვისებების მქონე ძვირადღირებული საპნის შეძენა. ეს ფულის კეთების მეთოდია. არ არის აუცილებელი საპონს „ანტიბაქტერიული“ ეწეროს. უფრო მეტიც, ანტიბაქტერიულმა საპონმა შეიძლება არაჯანსაღი ეფექტი გამოიწვიოს, რადგან ის გამოაშრობს კანს ან გაანადგურებს იმას, რაც არ უნდა გაანადგუროს“, — განმარტა სპეციალისტმა.
აგრანოვსკის თქმით, თხევადი საპონი ვირუსებსა და ბაქტერიებს უფრო ცუდად ჩამორეცხს, ვიდრე მყარი, ხოლო წყლის ტემპერატურა არანაირ გავლენას არ ახდენს ვირუსის მოშორების ეფექტურობაზე — ის უბრალოდ კომფორტული უნდა იყოს ადამიანისთვის.