თბილისი, 14 ნოემბერი – Sputnik. ქობულეთის მუნიციპალიტეტის სოფელ ხალაში 30 წლის კაცი სანადირო თოფით მოკლეს, იუწყება პირველი არხი.
ხალაში მამაკაცი სანადირო თოფიდან გასროლით მოკლეს.
არსებული ინფორმაციით, მკვლელობა ოთხ თანასოფლელს შორის კონფლიქტს მოჰყვა. დაუზუსტებელი ინფორმაციით, კონფლიქტის მონაწილე ერთი პირი დაკავებულია, ორს კი, სამართალდამცველები ეძებენ.
მომხდარ ფაქტზე გამოძიება დაწყებულია სსკ-ის 108-ე მუხლით, რაც განზრახ მკვლელობას გულისხმობს და ითვალისწინებს 7-დან 15 წლამდე ვადით პატიმრობას.