საქართველოს ნაკრებმა უეფას ერთა ლიგის D დივიზიონის ფინალური შეხვედრა ჩრდილოეთ მაკედონიასთან 0:1 ანგარიშით წააგო და ევროპის ჩემპიონატის საგზურის მოპოვება ვერ შეძლო, რომელიც მომავალი წლის ზაფხულში იმართება. მარცხზე პასუხისმგებლობა ნაკრების მთავარმა მწვრთნელმა ვლადიმერ ვაისმა აიღო. მან განაცხადა, რომ ქართული გუნდის მთავარი მწვრთნელის პოზიციას სომხეთთან (15 ნოემბერი) და ესტონეთთან (18 ნოემბერი) შეხვედრების შემდეგ დატოვებს.