თბილისი, 10 ნოემბერი – Sputnik. სამართალდამცველებმა ბათუმში 50 წლამდე ასაკის ქალის ცხედარი საკუთარ ბინაში დანაწევრებული იპოვეს, იუწყება „აჭარის ტელევიზია“.
შემთხვევა მელიქიშვილის ქუჩის №53-ში მოხდა.
გავრცელებული ინფორმაციით, გარდაცვლილი ბელარუსის მოქალაქე იყო და სახლში მარტო ცხოვრობდა.
მეზობლების თქმით, მოკლული ქალის ერთ-ერთი მეგობარი ვერ ახერხებდა მასთან დაკავშირებას, რის შემდეგაც მან პოლიციას მიმართა.
მომხდარ ფაქტზე გამოძიება დაწყებულია სსკ-ის 108-ე მუხლით, რაც განზრახ მკვლელობას გულისხმობს და ითვალისწინებს 7-დან 15 წლამდე ვადით პატიმრობას.