წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ
3-12 ნოემბრის პერიოდი
3-12 ნოემბერი მორიელის ნიშნის მეორე დეკადას განეკუთვნება, რომელსაც მზე მართავს.
მნიშვნელოვანი წლებია 15, 25, 30, 45, 50, 60, 75.
ამ ადამიანების სიმბოლოა ორქიდეა.
ამ პერიოდში დაბადებულები გულდახურული ადამიანები არიან. ახასიათებთ უნდობლობა, ეჭვიანობა. ხშირად ხვდებიან უსიამოვნო სიტუაციებში. არიან ძალზე შრომისმოყვარე, მომთმენი.
4 ნოემბერს დაბადებულები
4 ნოემბერს პრაქტიკული, რაციონალური ადამიანები იბადებიან. მათ მიიჩნევენ რეალისტებად, საიმედო მეგობრებად და პარტნიორებად. არიან ძალზე შრომისმოყვარენი. მათთვის სამუშაო ხშირად ცხოვრებაში პირველ ადგილზე დგას.
4 ნოემბერს დაბადებულები დაჯილდოებული არიან ფინანსური, საქმიანი გამჭრიახობით. ბიზნესში იშვიათად უშვებენ შეცდომებს; არ ექცევიან სხვისი აზრის გავლენის ქვეშ, არ ერთვებიან ავანტიურაში; ცხოვრებასა და ბიზნესს განიხილავენ, როგორც ჭადრაკის პარტიას. შესაძლოა, დარჩეს შთაბეჭდილება, რომ ეს ადამიანები ყველაფერში სარგებელს ეძებენ, მაგრამ მათი საქციელი სიხარბე არაა, არამედ ეს საკმაოდ კარგი უნარ-ჩვევაა.
4 ნოემბერს დაბადებული მორიელები ენამახვილი, საკმაოდ ფაქიზი ინტუიციის მქონე, ანალიტიკური ჭკუა-გონების პატრონი, უმეტესად, პრაქტიკოსი არიან. უყვართ ექსპერიმენტირება, მეცნიერებების თეორიული საფუძვლები არ იზიდავთ. არიან საკმაოდ იმპულსური, მაგრამ ვერ ვიტყვით, რომ ამტანობა აკლიათ, როცა რაიმე პროექტის რეალიზებაზე მუშაობენ.
მორიელებს უყვართ დიდება და მატერიალური ჯილდო. აქედან გამომდინარე, ისწრაფვიან იმ საქმიანობისკენ, რომელიც ორივეს მოუტანს. 4 ნოემბერს დაბადებულები შემოქმედებითი ადამიანები არიან.
კრიმინალური ტალანტი ზოდიაქოს ნიშნის მიხედვით>>
ამ დღეს დაბადებულები წინააღმდეგობრივი ხასიათის ადამიანები არიან. ეს ხელმძღვანელობას ყოველთვის არ მოსწონს. კოლეგებმა ხანდახან, შესაძლოა, ვერ გაუგონ მათ. სხვა მხრივ, ისინი ხშირად მისაბაძი მაგალითი ხდებიან. ენერგიული და თავდადებული თანამშრომელი სხვებსაც აძლევს პროდუქტიული მუშაობის სტიმულს. მორიელი შესანიშნავი არაფორმალური ლიდერია.
ჯანმრთელობა
4 ნოემბერს დაბადებულები ძალზე ენერგიული ადამიანები არიან, მაგრამ ეს დაუღალავი ენერგია მათთვის პოტენციურ საშიშროებას წარმოადგენს. ისინი ხშირად ტვირთავენ საკუთარ თავს როგორც გონებრივად, ისე ფიზიკურად. ამაზე ორგანიზმი შესაბამისად რეაგირებს. აქედან გამომდინარე, მათ ხშირად აწუხებთ ნერვული სისტემა, გული. მათ უნდა ისწავლონ სამუშაოსა და დასვენების სწორად შეთავსება.
რჩევა:
თქვენთვის ძალზე მნიშვნელოვანია თვითრეალიზაცია, შეგიძლიათ ნებისმიერი ბარიერის გადალახვა, მაგრამ ეს ადვილი არ არის. აუცილებლად უნდა ისწავლოთ ხარისხიანად და სრულფასოვნად დასვენება.