თბილისი, 31 ოქტომბერი — Sputnik. თურქეთში ძლიერი მიწისძვრის შედეგად ჩამოშლილი შენობების ნანგრევებიდან მაშველებმა ასი ადამიანი ამოიყვანეს, განაცხადა ქვეყნის გარემოს დაცვისა და ქალაქმშენებლობის მინისტრმა მურათ კურუმმა.
„სტიქიური უბედურების ზონაში ხუთი ათასამდე მაშველი მუშაობს. დანგრეულია 17 შენობა. რვა მათგანის ნანგრევებზე სამაშველო სამუშაოები გრძელდება“, — განუცხადა კურუმმა ჟურნალისტებს.
ამასთან ძლიერი რყევები (6,9 ბალი) იგრძნობოდა ახლომდებარე ბერძნულ კუნძულებზეც.
ბოლო მონაცემებით, თურქეთში მიწისძვრის შედეგად დაღუპულია 25 და დაშავებულია 800 ადამიანი, ხოლო ბერძნულ კუნძულ სამოსზე ორი მოზარდი დაიღუპა და 20 დაშავდა.