თბილისი, 26 ოქტომბერი – Sputnik. რუსთავში გარდაიცვალა 21 წლის ახალგაზრდა მამაკაცი, რომელიც გუშინ კოვიდ-სასტუმროდან გაეწერა – როგორც ვირუსისგან გამოჯანმრთელებული, იუწყება ტელეკომპანია „იმედი“.
გავრცელებული ინფორმაციით, ახალგაზრდას გაუკეთდა PCR-ტესტი და ის უარყოფითი იყო. ბიჭი მეგობრებთან ერთად ეზოში იმყოფებოდა, როცა უეცრად გარდაიცვალა.
სახლთან, სადაც ეს მოხდა, პოლიციას მისასვლელი გადაკეტილი აქვს. ადგილზე გამომძიებლებთან ერთად მუშაობენ მედიკოსები და ეპიდემიოლოგები, რომლებიც ახალგაზრდა ბიჭის დაღუპვის მიზეზის დადგენას ცდილობენ.
სხვა დეტალები ჯერ ცნობილი არ არის.