როდემდე შენარჩუნდება თბილი ამინდები? – სინოპტიკოსების პროგნოზი

თბილისი, 26 ოქტომბერი — Sputnik. დასავლეთ საქართველოს ტერიტორიაზე 26–30 ოქტომბერს თბილი და უნალექო ამინდია მოსალოდნელი – ჰაერის ტემპერატურა 25–30 გრადუსი იქნება, ნათქვამია გარემოს დაცვის ეროვნული სააგენტოს განცხადებაში.

სინოპტიკოსების პროგნოზით, 28–29 ოქტომბერს აღმოსავლეთ საქართველოს ცალკეულ რაიონში ნავარაუდევია მცირე წვიმა და ნისლი, დანარჩენ დღეებში კი უმეტესად უნალექო ამინდია მოსალოდნელი. ჰაერის ტემპერატურა პლუს 19–24 გრადუსი იქნება. 31 ოქტომბერს საქართველოს ზოგიერთ რაიონში გაწვიმდება.

რაც შეეხება საქართველოს დედაქალაქს, თბილისში 26-27 და 29-31 ოქტომბერს უნალექო ამინდი იქნება. 28 ოქტომბერს კი მცირე წვიმა და ნისლია მოსალოდნელი. ჰაერის ტემპერატურა 18 გრადუსამდე დაიკლებს.