ნოე სულაბერიძე უმცროს შვილთან კონტაქტს სამსახურის დროსაც ვერ წყვეტს. პროდიუსერმა სახალისო ვიდეო გამოაქვეყნა, რომელზეც ჩანს, თუ როგორ ესაუბრება მამა დაშორებულ შვილს. „მამა-შვილის სატელეფონო დიალოგი“, – ამ წარწერით მან საკუთარ გვერდზე უსაყვარლესი კადრები გამოაქვეყნა. სამსახურში მყოფი პროდიუსერი მესამე შვილს ვიდეოზარით ამხნევებს.
გადატვირთული გრაფიკისა და გაწერილი გადაღებების გამო ნოე სულაბერიძე ოჯახის წევრებთან ერთად იშვიათად ჩნდება. უმეტესწილად პროდიუსერი ოფიციალურ გვერდზე საქმიანი შეხვედრებისა და რეიტინგული „პრაიმ შოუს“ გადაღებების საინტერესო კადრებს ავრცელებს. თუმცა, გამონაკლისებიც არსებობს, თან ასეთი თვალშისაცემი. ნოემ პატარა ანა სულაბერიძესთან ერთად გადაღებული უსაყვარლესი ფოტოც გამოაქვეყნა.
წყვილი შვილთან ერთად ფოტოს ხშირად აქვეყნებდა, თუმცა ბავშვის სახეს დიდხანს საგულდაგულოდ მალავდნენ, ისევე, როგორც ტენდენციას აყოლილი სხვა ვარსკვლავები. შემდეგ კი გოგონას სილამაზემ სრულიად ინტერნეტ-მომხმარებელი აღაფრთოვანა – მას შემდეგ, რაც წყვილმა რამდენიმე თვის გოგონას გაქრისტიანება გადაწყვიტა.
ნოე მესამე შვილთან ერთად დაუვიწყარ დროს ატარებს და თითოეული წამით ტკბება. პატარა ანა სულაბერიძე დღითი დღე ლამაზდება. ნოეს მიერ გამოქვეყნებულ ახალ ვიდეოზე მისი თბილი დამოკიდებულება უმცროსი ქალიშვილისადმი გულს გაგითბობთ.